После повеќегодишното барање на сите фудбалски школи и фудбалски клубови успеавме да го реализираме проектот за осветлување на помошното фудбалско игралиште со вештачка трева. Со реализацијата на овој проект Општина Охрид и ЈП “Билјанини Извори” продолжуваат максимално да се фокусирани во насока на подобрување на условите за тренинг и натпревари на фудбалските тимови. Реализацијата на ова инвестиција овозможува сите корисници да можат своите активности да ги продолжат и во вечерните часови што за овој годишен период при вакви дневни температути и при многу корисници како од Македонија така и од странство кои се моментално на припреми во Охрид ќе значи многу. Општина Охрид и ЈП “Билјанини Извори” и во иднина ќе продолжи со инвестиции во подобрување на спортската инфраструктура и условите за спортските корисници. Следно на ред е уредувањето на мини трибината и оградата кај помошното игралиште со вештачка трева за што веќе е објавен јавен повик за избор на изведувач.

Успешно завршен отворениот спортски ден во организација на ЈП “Билјанини Извори” и учениците од ОСУ “Кирил и Методиј”- Охрид кои беа дел од програмата за практична настава во нашето претпријатие.Особено ни е мило што на овој преубав ден преовладуваше голем натпреварувачки дух и многу позитивна енергија. На отворениот спортски ден учествуваа повеќе од 100 ученици поделени на неколку дисциплини. Освоени места по дисциплина:

Пикадо

1место Стефан Матески

2место Јована Шапкароска

3место Валерија Андриеска

Јаже

1 Место Машки, Матеј ИсакоскиХристијан КитаноскиИван ЛиотоскиМихаил ЈоноскиСтефан Бегалис Александар Наумовски

1 Место Женски, Теодора МитрескаДона Маркоска Стефанија Речкоска Миа Шикалеска Дора Ѓорѓиевска Ивана Латкоска Вероника Неделковска Исидора Ѓорѓоска Теона Лошкоска Јана Танеска

Баскет

1 Место Матео Силјановски Ѓорѓи Митрески Петар Николоски

2 Место Михаил Јоноски Стефан Бегалис Матеј Исакоски

Одбојка

1 Место Дона Маркоска Миа Шикалеска Стефанија Речкоска Теодора Митреска Ивана Латкоска Дора Ѓорѓиевска

2 Место Матеа Тотеска Мила Јовановиќ Хелин Сали Бојана Рилкова Ана Шокароска Ана Марија Топалоска

ЈП Билјанини Извори им се заблагодарува на сите кои беа дел од настанот и на сите кои помогнаа тој да се реализира. Искрено се надеваме дека спортскиот ден во соработка на претпријатието и средното училиште ќе прерасне во традиција.

ЈП “Билјанини Извори” веќе неколку години наназад има потпишано меморандум за соработка со ОСУ “Св. Кирил и Методиј” – Охрид со кој учениците се обврзани да обавуваат практична настава во јавното претпријатие. На таков начин тие стекнуваат знаење и професионални вештини во делот на сметководството, правото, човечките ресурси, набавки и маркетинг. Како дел од нашата желба учениците не само да се стекнуваат со нови практики туку и да ги практикуваат истите заедно организираме спортски настан кој самите ученици ќе ги водат сите сегменти на организација и реализација. ЈП “Билјанини Извори” изразува голема благодарност до координаторот проф. Горан Попоски и проф. Гордана Бешироска, Маја Цветанова и проф. Димитар Вејланоски. Како иницијатори и креатори на овој проект, а ментори за извршената пракса, се нашите колеги мр. Весна Балазоска Милошевиќ и Тони Илијоски. Ја известуваме јавноста дека настанот е предвиден да се организира на отвореното игралиште во склоп на ОСУ “Св. Кирил и Методиј”. Носители на настанот се учениците од трета година а на настанот имаат право да учествуваат сите ученици од ова училиште. Учениците ќе имаат можност да се натпреваруваат во четири дисциплини: баскет, одбојка, пикадо и тргање на јаже. Пред официјалниот почеток проф. Кате Бујароска Анѓелеска ќе ги загрее сите учесници. По овој повод ги покануваме сите охриѓани, идните средношколци и родители да дојдат и да се дружат со нас.