Фудбалските припреми (тренинг и натпревари) на многубројните фудбалски екипи од земјата и странство продолжуваат секојдневно на терените на СРЦ Билјанини Извори.
Фото од натпреварот помеѓу ФК Брегалница и тимот на ФК Генчкалемлер

Инвестиција од сопствени средства (700,000 денари) која со години и децении беше потреба за да се заштити подлогата во спортската сала и да се подобрат условите за тренинг на кошаркарските екипи и школи.
Ова е само продолжување на планот за подобрување на условите во СРЦ Билјанини Извори кој го започнавме минатата година и кој ќе го интензивираме уште поамбициозно наредниот период.

Најдобрата женска репрезентација во фудбал во Охрид ја започна подготовката за квалификациите за пласман на Европското првенство. „Црвено жолтите“ противниците во фазата по групи ќе ги добијат на 21 февруари во ждрепката која ќе се одржи во Швајцарија, а квалификациите започнува во септември.

Во Охрид ќе одработиме седумдневни базични подготовки. Нема да форсираме, бидејќи само што почнаа клупските подготовки и не сакаме да и наштетеме на некоја екипа во случај на повреда или слично. Се собираме прв пат во Новата 2019 година и сакам да видиме на што треба да посветиме повеќе внимание. – изјави селекторот Кирил Изов.

Селекторот додаде дека А селекцијата поминува низ фаза на подмладување и се прави костур кој долги години треба да биде столб на репрезентацијата.

Во недела и среда селекцијата ќе одигра меѓусебни тест пресметки, а во март и мај силите ќе ги одмери со други репрезентации.

Извор : ohridnews