ЈП „Билјанини Извори“ ја информира јавноста дека од денес, 3 јули 2026 година, Градскиот отворен базен „Атина Бојаџи“ официјално започнува со работа.

Работното време на базенот ќе биде секој ден од 08:00 до 19:00 часот.

Пливачките школи ќе започнат со работа од 06.07 ( понеделник ), а обуките ќе се реализираат во следните термини:

Претпладне: од 08:00 до 13:00 часот

Попладне: од 17:30 до 19:00 часот ( мало корито )

ЈП „Билјанини Извори“ ги поканува сите граѓани и посетители да ја искористат можноста за рекреација и спорт во текот на летната сезона, а најмладите да се приклучат на пливачките школи и да ги направат своите први пливачки чекори под стручен надзор.

Со поставувањето на оградата околу фудбалското игралиште во бившата касарна, продолжуваме со активности и создавање на функционален спортски простор за сите генерации.

Ова е уште еден важен сегмент од процесот кој го враќа спортскиот дух и животот во овој дел од градот. Следниот чекор се трибините, со што целосно ќе се заокружи проектот и ќе добиеме уреден фудбалски терен достоен за младите, спортот и заедницата.

Почитувани,

од утре, 28 мај 2026 ќе почне да функциоира ограничениот режим за движење во стариот дел од градот. Режимот и начинот како ограничениот режим на движење на моторните возила е регулиран е утврден со Правилник за издавање на картички за движење во стариот дел од градот, донесен на 11. 05. 2023 година од страна на Управниот одбор на ЈП “Билјанини Извори”. Во таа насока ги известуваме сите граѓани кои имаат потреба од дополителни информации или се соочуваат со проблеми во однос на режимот за движење да се обратат во дирекцијата на ЈП “Билјанини Извори”, Спортска сала “Билјанини Извори”. Ги замолуваме сите граѓани да го почитуваат и да се придржуваат кон времениот ограничен режим на движење во стариот дел од градот.