Подарени новогодишни пакетчиња

Традиционално, ЈП “Билјанини Извори” пред новогодишните празници ги посети здружението Добротољубие, Зраци, игротеката Радост, здружението за глувонеми и надглуви, здружението Тајните на моето срце и специјалната паралелка во ООУ Св. “Климент Охридски” и на сите им подари новогодишни пакетчиња. 🎁🎁🎁Тимот на јавното претпријатие на здруженијата и нивните штитеници им посакаа среќни празници и многу љубов и здравје во новата 2024 година. ❤️❤️❤️

7-мо Ноемвриски хуманитарен турнир

Денешниот ден помина во хуманитарен карактер.Со финален натпревар заврши 7-мо Ноемврискиот хуманитарен турнир во мал фудбал. Победници на првиот хуманитарен турнир е тимот на АСП ПАК кој во интересен и возбудлив натпревар го победи тимот на МАГНА со 5:2. Малото финале му припадна на тимот на ЈП Водовод кој го совлада тимот на ЈП Охридски Комуналец со 7:1. Пред почетокот на свеченото доделување на наградите на првопласираните, собраните средства од котизациите на сите 12 екипи кои се во износ од 72000-денари, ги доделивме на Здружението лица со дијабет Тип 1 од Охрид. Воедно сакаме да ја информираме јавноста дека останатите средства собрани преку хуманитарните паркинзи со кои стопанисува јавното претпријатие ” Билјанини извори” ги доделивме на Гордана Попоска за поддршка во лекувањето на нејзиниот син Петар во висина од 40000 денари. Им посакуваме здравје.Им благодариме на сите учесници за поддршката и хуманоста.