Во спортската сала „Билјанини Извори“ синоќа со одлична атмосфера и голема спортска енергија заврши уште едно успешно издание на турнирот во футсал Ohrid FREED 2025.

Финалната вечер, која се одржа во чест на Денот на ослободување на Охрид – 7 ноември, донесе вистински спортски спектакл и два возбудливи натпревари исполнети со страст, борба и фер-плеј дух.

Натпревар за трето место:

ЈП Охридски Комуналец успеа да ја совлада екипата на Гостилница кај Мече со 3:2, освојувајќи го заслужено третото место.

ГОЛЕМО ФИНАЛЕ:

Во интересно финале, тимот на АСП ПАК извојува победа над силниот состав на ГРАНИТ X со 6:4, со што го освои престижниот трофеј и стана шампион на турнирот Ohrid FREED 2025.

JP Biljanini Izvori Ohrid изразува голема благодарност до сите учесници, гледачи, поддржувачи и соработници кои помогнаа во реализацијата на ова спортско издание. Посебна благодарност и до Општина Охрид, како и до сите спонзори и медиуми кои дадоа свој придoнес во организацијата на турнирот.

Со завршувањето на турнирот Ohrid FREED 2025, уште еднаш се потврди дека спортот ги обединува луѓето и создава незаборавни моменти.

Најавуваме дека следното издание во 2026 година ќе донесе уште поголема конкуренција, нови изненадувања и уште подобра спортска приказна.

Ви благодариме на сите што бевте дел од Ohrid FREED 2025!

Се гледаме повторно на Ohrid FREED 2026!

Возбудата расте! По четири возбудливи дена исполнети со одличен футсал, неизвесни натпревари и многу емоции, вчера се заокружи групната фаза на турнирот Ohrid FREED 2025!

Резултати 30. 10. (четврток):

МАГНА : ЈП Колектор : ЈП Нискоградба – 2:4
КОСТАЛ Македонија : Општина Охрид – 7:3
Инекс Олгица Хотел и СПА : ЈП Охридски Комуналец – 2:1

✅ По завршувањето на вчерашните натпревари, познати се и осумте најдобри екипи кои продолжуваат во четвртфиналните натпревари, таму каде што секој потег може да биде пресуден, а секој гол може да значи пласман во големото полуфинале!

Најинтересно во групната фаза беше во групата Б каде трите екипи имаа ист број на бодови но согласно гол разликата во четвртфинале се пласираа екипите на ЈП Охридски Комуналец и Инекс Олгица Хотел и СПА.

👏 Благодарност до сите екипи за фер и борбена игра, до публиката за фантастичната поддршка кои создадоа вистинска спортска атмосфера во спортската сала “Билјанини Извори”.

📍 Следуваат четвртфиналните дуели – најдоброто допрва доаѓа!
Четвртфинале:

03.11.2025 (понеделник)
Гранит X : Инекс Олгица Хотел и СПА – 20 часот
Гостилница кај Мече : Костал – 21 часот
04.11.2025 (вторник)
Провелд : ЈП Охридски Комуналец – 20 часот
АСП ПАК : ЈП Колектор и ЈП Нискоградба – 21 часот

Се гледаме на 03 ноември, 20 часот! 👍⚽👍⚽