ЈП “Билјанини Извори” денес реализираше работна средба со сите фудбалски школи кои користат услуги на СРЦ “Билјанини Извори”. Состанокот со фудбалските школи се реализира на иницијатива на јавното претпијатие и на истиот присуствуваше и Градоначалникот на Охрид Кирил Пецаков. На состанокот се разговараше околу досегашната соработка со фудбалските школи како и околу идните планови и приоритети за заедничко делување. Спортот и спортските клубови, школи се висок приоритет во тековното работење на претпријатието и Градоначалникот Пецаков така што и во иднина ваквиот начин на комуникација и еден вид на соработка ќе продолжи и со другите правни субјекти кои ги користат услугите на претпријатието со цел да се слушни гласот на спортските работници и да се етаблира конструктивен начин на соработка.

Градскиот стадион “Билјанини Извори” и Охрид домаќини на женските А репрезентации на Република Северна Македонија и Луксембург. Причината е утрешниот натпревар кој ќе се одигра на градскиот стадион со почеток од 13 часот и 30 минути. Натпреварот е дел квалификациите за пласман на Европско првенство кое ќе се одржи во 2023 година. ЈП “Билјанини Извори” и посакува многу успех на нашите фудбалерки на утрешниот натпревар и воедно ги поканува сите љубители на фудбалот да дојдат утре и заедно да го бодриме нашиот национален тим.